يااااااااه يا بحر

يااااااااه يا بحر 

نقطة منك حب
 ونقطة منك فرح
نقطة منك هم
ونقطة منك جرح

الكل يشكى ليك ... وانت ولا بتشكى لحد
كل ده بتسمع ولا عمرك شكيت لحد

موجة منك غضب
وموجة منك فرح
موجه منك حب
وموجة منك جرح

يا ترى يا بحر اى موجة لما اشكيلك هتجينى
اسمع قصتى وبعدها بموجك اشجينى
--------------------------------------------

شكيت للبحر همى وجرحى ودمى معلم فى كل خطوة فاتت من سنين عمرى
اتهز البحر وارتعش وخاف منى وراحت منه هيبته ولقيت موجه بيهرب منى

--------------------------------------------

قال البحر

 كل دة ولسة قادر تشكى ياااااااااااه يا همى ....
انا الى كنت فاكر انى .. ااقدر اشيل هم العالم فى دمى

ولا اشكى ولا ابكى وبموجى ارسم اجمل لوحة لو حتى .. من دمى

ضحكت من همى وقلت اسمع يا بحر باقى همى
بس اخاف انت كمان تروح منى ..

اصل الهوى صابنى وياريته ما صابنى
وكان نصيبى الجرح ومين يداوى همى

بس الهوى مش بيدى

--------------------------------------------

ما الهوى مش بيدى ولا بنات الكون ملكى
ولا قلبى يقدر يداوى الجرح الى سايل منه دمى
وخفت اشيكلك يفضحنى موجك ويزود همى
لقيتك يا شيال الهموم خايف منى
خايف يصيبك جرح قلبى ودمى الى سايل منى

حبيت وهويت بس الحب هرب منى
ياما عيون سهرت الليل تداوى همى
لحد ما صابها الجرح منى ما الهوى مش بيدى

والى فضلت سنين تسمع شكوتى وهمى
وانا بيدى بعدتها عنى .. خفت عليها من الهوى الى موتنى
يكون نصيبها منى .. والى اترجتنى لو تعيش معايا طول عمرها همى
ودى نظرتها تقتلنى ميييييت مرة ..
ما الجرح صابها زى ما صابنى .. دواها بقلبى وياريت هواها كان بيدى
بس يا ميت خسارة على الهوى الى موتنى فى عز صبايا ولا قادر اداوى همى

--------------------------------------------


راح فين موجك يا بحر الهوى خليه يغضب يمكن يكون الدوى
ولا خليه هادى يواسى قلبى الى انكوى بنار الحب ولا اندوى

--------------------------------------------

قال البحر

هقولك ايه يا مجروح قلبك مليان جروح
وموجى من جرحك مجروح وخايف يجى يواسيك تزيد عليك الجروح
وملحى لو يداويك تموت من الالم قبل ما تندوى وتفضل بيك جروح

--------------------------------------------

ياااااااه يا بحر الهوى

كنت ماشى على شطك وكنت بتفرج على مراكبك
وهيا رايحة جاية واحدة بتبكى وواحدة بتضحك

ولما حبيت انزل بحرك ولا ضحكت ولا بكيت
سكت قلبى من الوجع وانت الى بكيت عشان بوجعى حسيت

وانت يا بحرى خلى موجك هادى على الاحباب راسى
وخلى جرحك بعيد عنهم عشان ما تخسرهم ويقولوا عليك قاسى

وانا جنبك يا بحرى لو حبيت تشكى همك 
اشكى ولا يهمك قلبى مفتوحلك ولا هزعل ولا هخاف منك